賭王兒子何猷龍、黎明和胡文新等昨日在西貢出席公益金籌款活動，何猷龍被問到「分燊家」事件圓滿解決，是否雨過天青？他說：「係呀，家和萬事興。」
「爸爸康復得唔錯」
問何猷龍是否滿意結果？他語帶雙關說：「滿意，公益金籌咁多錢梗係滿意，我都希望可以做多啲善事，我知你哋想問我家事，屋企人都好滿意同開心，做善事同家庭一樣，喺家庭上溫馨同和睦好重要，做善事都希望籌多啲錢，呢個concept係啱。」
問到賭王是否希望見到這結果？何猷龍說：「當然喇，家和萬事興，爸爸身體好好，又康復得唔錯，佢好支持公益金活動，我喺佢身上學咗好多嘢。」何猷龍透露正考慮一套出錢又出力的方法幫助日本災民。
採訪：何慧斯
攝影：黃偉雄