有無諗過人一世、物一世，乜都想試吓？周秀娜與羅仲謙主演嘅《婚前試愛》，藍光碟剛落場；鼓吹人越軌嘅思想固然大膽，但令你心跳加快嘅，係娜姐床上激戰連場嘅畫面！高清顯示下，就算熄晒燈，幼滑肌膚以及臉上汗珠，統統表露無遺；欣賞高清版娜姐，今次應該係最佳示範！
記者：陳國輝
膚色質感豐富
愛情式喜劇，既無戰爭震撼場面，更無任何CG添加，對畫質要求查實可有可無！但今次主角係周秀娜，仲有床上激戰，視覺效果自然變成《婚》嘅主賣點。必試位我唔多講，各位自己識搵，重點留意係皮膚質感，經燈光處理後，甚少出現Over或雜訊等問題，層次豐富；而最逼真係娜姐與沈志明終極一戰，男方汗流浹背，而女方更清楚到臉上出現汗珠。
低頻背樂有力
可能葉念琛導演對官能刺激要求特別高，勢估唔到《婚》片會出現多次低頻音效。說穿了，其實係聽落有點誇張嘅背樂，例如娜姐、阿謙被喬寶寶追殺嗰陣，就插入一段節奏緊張嘅音樂，而當男女雙方關係變得緊張嗰陣，亦出現過類似效果。Bonus得MakingOf值得一睇（30分鐘），想知娜姐拍床上戲有幾賣力，不妨睇吓。
睇高清噴血床戰
必睇笑位
Profile
格式：Blu-ray（25GB）
音效：DolbyTureHD5.1
畫面：1.85比1
特別收錄：Trailer、TVSpots、PhotosGallery、MakingOf
同場加映
《臨盆急先瘋》上網玩假髮
《臨盆急先瘋》除咗玩盡癲喪劇情，估唔到官網都要玩餐飽！裏面有個「自選髮型」，你可透過Webcam，幫自己戴上唔同款式假髮扮ZachGalifianakis，另外你仲可以Upload老友張相玩大整蠱！
$199（BD）/$139（DVD）
