近排世界認真多事，日本地震引發嘅核電廠輻射危機，家先叫有番曙光，但北非又陷入戰爭邊緣；利比亞狂人面對英美法等多國圍攻，但以往美國一向做開世界警察，有咩都第一個走出嚟，但伊拉克一戰搞到唔湯唔水，奧巴馬都怕怕，估唔到率先開火係法國。
其實利比亞問題幾複雜，因為國內反卡達菲派系，係極端回教主義者，仲傳同阿蓋達有連繫，所以西方國家對狂人咁多年獨裁統治，兼鎮壓反對派，都隻眼開隻眼閉，狂人嘅子女更喺英美傳統名校留學㖭。
歷史上，國與國之間有好多千絲萬縷關係，名義上英格蘭同威爾斯屬大不列巔一部份，不過英格蘭就係大佬，今仗大佬打細佬，點會炒唔到？
牽牛
星期六7
威爾斯vs英格蘭
心水：英格蘭勝[-1]
心得：威爾斯處換血期，唔夠班打大佬