楊思琦去年隨無綫攝製隊到日本東北拍攝旅遊節目《紅葉瀛風》，曾先後到過福島、宮城、岩手和青森。她表示大地震當天的新聞，尤其海嘯殺到片段令她猶有餘悸，她說：「睇到海嘯冲入城一刻，真係好似螞蟻俾水喉冲走咁，來勢洶洶，好得人驚。」
人傑地靈
昔日充滿純樸人情味的鄉土美景，完全毀於一旦，她緬懷說：「東北呢個地方，男女老幼都親切友善，大自然風景靚，海鮮又美味，可以用地靈人傑形容，相信就算日本政府全力重建都唔能夠變回原貌，環境受輻射污染，食物鏈又受影響，真係好可惜，家只能夠透過旅遊節目重溫。」
日本東北甚多天然溫泉，令溫泉精思琦過足癮，她說：「三星期我浸咗十幾次，最難忘係我第一次試砂浴，砂入面嘅礦物令我疲勞全消。」