黎明（Leon）昨日穿上JohnGalliano新裝，到中環四季酒店出席華菁會的「神州搵好工」記者會，計劃是協助年輕人搵工。近日屢傳老婆樂基兒有BB，Leon說：「肯定唔係呀。」提到因吸毒被out走的衞詩有機會復出，Leon表示適當時公佈。
下載歌曲籌款
香港演藝界下月1日為日本地震舉行賑災活動，日前眾藝人為活動錄歌，但當日Leon未有出席，他說：「每人都有唔同方法賑災，我嘅時間唔多，唔出現唔代表唔支持。呢次天災好嚴重，錢唔一定幫到佢哋，可能物資仲重要，災民未必想睇唱歌表演，佢哋可能想要心靈嘅安靜，但呢次係香港藝人嘅心意，公司同事有時間都會出席。」他又透露旗下歌手如衞蘭的歌曲將放上網給人下載籌款。
採訪：何慧斯
攝影：彭琮然