碧咸（圖）雖然年屆35歲，但佢嘅一舉一動仍然受到外界關注。呢位前英格蘭國腳，今周末喺美職聯替洛杉磯銀河上陣作客皇家鹽湖城，就會取代要出戰國際賽嘅當路雲，擔任銀河隊長出賽，亦係佢近年嚟再次以場內領袖身份比賽。碧咸話好高興再次做隊長，睇吓佢到時會唔會特別醒神，入番一球慶祝吓。