陳冠希於2000年晉身樂壇時，集萬千寵愛於一身，但08年他捲入淫照事件後，引發社會輿論譁然，逼於離開娛樂圈避走美國，三年來幾乎是零收入，還要面對父親破產，姊姊失業等問題，好像所有厄運都纏上來。連他都形容自己曾由天堂下到地獄，感到迷失、無助，不斷的反思再反思，告誡自己不要再做錯事。今年他重拾勇氣回流香港，準備再戰江湖。 撰文：陳月媚
經一事、長一智，整整沉寂近三年的陳冠希（Edison），去年底開始一步步展開復出計劃，首先是在台灣和香港推出國語大碟《Confusion》，Edison日前接受本報記者專訪時說：「今次出呢張碟，我係想透過歌曲話畀關心我嘅人知道，呢幾年我嘅心情同想法係點。」從歌詞中，他形容自己曾經身在天堂，下過地獄，日復日反省好多遍，勸年輕人以他為鑑，要懂事別做儍事，淫照事件後，讓他變得成熟了。
途人目光如見鬼
Edison形容這是一個痛苦的經歷，但同時也讓他學到很多，讓他有勇氣單人匹馬在香港街頭走來走去，但也受到打擊，他說：「上年返嚟香港，有時出街見到一啲上年紀嘅人，佢哋望我嘅目光就好似見到一個好醜嘅鬼，但年輕人見到我就依然好nice，想走埋嚟合照，但佢哋身邊嘅大人阻止，坦白講，呢一刻都幾難受。」
Edison今年回港發展後，女友楊永晴（Vincy）也學成歸來，已開始在港尋找工作，聽說Vincy不打算到父親或Edison的公司做事，想靠自己實力打天下，Edison說：「佢好強，唔鍾意靠人，好有自己想法，我最困難時，好彩有佢喺身邊，我會好好珍惜佢。之前喺美國我哋都有諗過結婚嘅問題，大家都希望事業有成先考慮結婚。」
淫照事件是Edison人生最黑暗的時期，慶幸這段時間一直有女友Vincy對他不離不棄，他說：「發生呢件事後，我一個人去咗美國生活，好彩有佢喺我身邊，自己先至可以捱過呢段痛苦時刻，佢真係好冷靜，喺最緊張時期，佢仲堅持日日返學，其實佢承受嘅家庭同外來壓力唔會小過我，但佢情緒好穩，就因為睇到佢咁厲害，影響到我可以定落嚟。」
「以前俾人寵壞」
不過安定下來後，Edison選擇一個人去洛杉磯生活，沒有留在波士頓跟女友一起生活，他解釋說：「其實我好迷失，想搵番條出路畀自己，所以我想試吓一個人生活，畀自己空間好好去反思，學習照顧自己，身邊冇司機、冇工人幫忙，要自己洗燙衣服、打掃房間同煮飯，整個人改變咗好多，仲體會到以前喺香港叫助手幫我燙件衫，助手用3分鐘燙好，仲要俾我鬧佢手腳慢，但輪到自己親手燙時，要用10分鐘先燙好，我先知鬧錯人，以前真係俾人寵壞咗，脾氣又唔好，家都改咗好多。」
