鄭嘉穎與蒙嘉慧主演的無綫劇集《OnlyYou只有您》上星期最高收視35點（約224萬觀眾），前晚一眾演員在屯門舉行晚宴兼睇劇。近日有報道指鄭嘉穎換車換樓洗霉氣，他對此說：「點解成日話我霉？換車換樓好正常，呢啲都係舊年嘅事，係舊聞。」有指換樓是因不利他媾女？嘉穎說：「鍾意點講就點講，我都習慣。」提到有傳其內地緋聞女友徐靖雯放料借他上位，嘉穎即煞有介事說：「唔講喇，都過咗去。」
被問會否對內地女子失信心？嘉穎說：「邊度都有好人壞人，唔好一竹篙打一船人，林峯都唔講啦，唔通我哋講咩。」
蒙嘉慧5月拍劇
至於有指嘉穎得罪無綫高層樂易玲，故沒有參與拍攝無綫藝員官方照，嘉穎稱當時不在香港，並斥報道很膚淺。此外，蒙嘉慧表示5月底會拍無綫劇，但形式是部頭約，她坦言知道很多藝人返內地工作，因價錢較高，自己也想試試。
採訪、攝影：卓寶花