娛樂圈經常傳出女星經營副業，尤其近年全是賣青春賣身材的o靚模的天下，除了Freeze成員石詠莉爆料指有C字頭o靚模涉嫌賣淫，近日有網友都在討論區爆C字頭當紅o靚模04年間在尖東富都夜總會搵食，有指該名o靚模中五畢業，讀書成績一般，曾做售貨員，更有指該名o靚模入行前曾進行樣貌身材大變身及最近拍戲。
Carol拒對號入座
消息傳出，周秀娜（Chrissie）、浸大咪神楊梓瑤（Carol）和陳靜（DaDa）等的英文名或姓氏因有C字而捲入漩渦。Chrissie昨日透過經理人Roy回應：「呢啲新聞好無聊，出道至今答過幾百次，識我嘅人知我唔會去賺呢啲錢，但對於唔識我嘅人會點諗，我就唔會理。」Carol昨日在電話否認說：「唔該下次再傳呢啲消息，不如開名，唔好再估估吓，人哋嘅嘢唔關我事，我唔會對號入座。報道話個o靚模中五畢業，我都唔止啦，家返緊大學。」
採訪：葉雪