艾迪巴約（圖）早前應承復出幫多哥打國際賽，於是多哥足總將佢列入禮拜六訪馬拉維嗰場非國外嘅大軍名單中。點知轉個頭，呢位前鋒玩失憶，話冇應承過，仲話自己啱啱先喺皇馬練完波，冇可能山長水遠返多哥備戰。多哥足總會長艾美耶就話：「係佢同我哋講想返國家隊，所以我哋先會選佢。」講真，多哥整體實力麻麻，就算艾迪巴約都幫唔到啲乜嘢，既然佢冇心為國效力，就算罷啦！