國足將會藉今次國際賽檔期，兵分兩路，一隊留喺武漢對新西蘭，另一隊則會出戰哥斯達黎加。兩位老大哥李瑋峰（圖）同鄭智都齊齊重返大軍，將出戰新西蘭嘅李瑋峰更會以隊長身份領軍。自從08年後「大頭」再次為國足比賽，難怪佢話有「家的感覺」。咁又係嘅，早幾年喺韓職搵食，始終唔夠同聲同氣咁有親切感。