廣州恒大早前話邀請「大哨」朗拿度（圖）出席中超開幕禮儀式，但近日就話因為「大哨」出場僅3分鐘，要收成接近1,000萬人民幣，唔值咁多錢。不過，「大哨」喺微博上否認恒大搵過佢，指對方借佢過橋搞宣傳。至於恒大董事長劉永灼就話，的確曾經接觸過「大哨」嘅私人助理，對方亦報上呢個天價。咁樣真係口同鼻拗囉！