陳奕迅（Eason）前晚在理工大學演出音樂會，請來露雲娜做嘉賓，Eason父母和黃偉文等都有捧場，其妻徐濠縈因患豬流感而未有現身。
Eason在台上謂新衣服不合身，他說：「條褲個浪好戚，會影響唱歌。」又談到當日下午與外埠返港的母親吵架，他說：「搞到大家唔開心，跟住我話唔講喇，去冲凉。」他難過得洗澡時哭，他說：「忍唔住，唔知係淚水定花灑水，自己大個仔，嗱嗱聲冲完，出去同阿媽saysorry，唔好搞到阿媽全日都唔開心。」
陪老婆睇醫生
事後Eason謂已陪老婆看醫生，要否隔離？他說：「個女不嬲自己瞓，我張床好大，唔使分開啩，醫生話多啲休息就得。」有指他為生仔搬往曉廬與李嘉欣做鄰居，月租20萬，Eason否認說：「啱啱搬完又搬？20萬？管理費呀？」可有計劃生仔？他說：「我間屋好細，邊有位，冇諗，冇時間。」
採訪：胡比 攝影：陳志嵐