now財經台台花、「小飛俠」林燕玲（圖），原來已經靜靜咁飛入渣打股票衍生及中介銷售部做窩輪銷售副董事，成為新一代「輪后」！
搵佢過檔嘅渣打股票衍生及中介銷售部銷售董事Simon翁世權話，佢都唔係第一次搵女主播過檔幫手（之前喺法巴嗰陣，佢搵咗「珠珠」趙海珠入去）。點解鍾意搵佢哋？因為佢哋嘅training好，面對傳媒、presentation同寫稿嘅skill好高，加埋佢哋做開財經新聞，有極好嘅財經knowledge。
不過Simon強調，正確嚟講應該話佢鍾意搵傳媒人幫手，唔止電子傳媒，佢都有喺報紙挖角o架。想轉工而自問又有齊上述條件嘅話，記得搵Simon傾下喇！