日前傳出內訌嘅紐約人已連輸3場，周一喺主場雖然上半場曾領先塞爾特人14分，但係綠軍下半場防守完全唔錫身。好似阿倫喺第3節中段為咗搶籃板而俾紐約人球員手踭撞爆頭（圖），雖然流緊血仍堅持繼續打。眾志成城下搞到對手下半場只攞得35分，最後仲反勝10分，保住東岸「1哥」位置，真係薑越老越辣！