火箭中鋒姚明因足踝傷搞到復出無期，好多中國NBA迷都好失落；好彩佢近期傷勢有進展，日前出席隊友巴丁格同佐敦希爾搞嘅保齡球慈善之夜（圖），雖然左腳仲要着保護靴，但已經唔使用枴杖喇，睇嚟復出嘅機會都好高。同樣係效力德州球隊嘅高佬，馬刺中鋒鄧肯，之前又係整傷左足踝，磁力共振檢查後，好彩傷勢冇想像中嚴重，但就肯定缺陣未來3仗作客賽事。