拜仁慕尼黑呢輪諸事不順，其中中場主力「小豬」舒韋恩史迪加（小圖）嘅表現就更加麻麻，不過，小豬嘅女朋友莎拉（圖）就越戰越勇。點解我求大俠咁講？因為模特兒出身嘅莎拉，啱啱替奧地利雜誌Sport（體育）影咗一輯性感比堅尼照，22歲兼身高5呎11吋嘅莎拉，喺呢輯相度盡展佢34-23-36嘅美好身材，而佢接受雜誌嘅訪問時仲話，咪睇佢係金髮藍眼，就以為佢係冇腦兼好黐身嘅女仔，其實佢好獨立，同埋好識畀空間別人喎！