女子高球盛事、LPGA精英賽周四喺美國加州開打，賽會為隆重其事，就邀請各參賽者賽前影番輯造型相；高球第一美女、美籍韓裔嘅魏聖美（左圖），就帶埋自己隻愛犬松鼠狗Lola一齊出鏡，盡顯愛心一面。
有愛心嘅唔單止係魏聖美，仲有台灣世界一姐曾雅妮；雖然「同行如敵國」，不過日本大地震發生後，曾雅妮向日本球手宮里藍、宮里美香、上田桃子發短訊慰問一番，之前更捐出5萬美元，協助日本救災。今次精英賽，曾雅妮（圖右二）更會聯同3位日本球手，齊齊佩戴印上「不要放棄，日本」嘅襟章比賽，為日本打氣；好心有好報，我求大俠都希望曾小姐比賽有好成績！