【本報訊】大亞灣核電廠更換爐蓋或者控制棒出現故障，廠方核安全諮詢委員會主席何鍾泰直言一早知情，但強調純屬「正常維修」，沒必要向公眾交代，「我哋會住，大家放心」。環保團體批評委員會形同虛設，促請港府成立直式獨立監管機構。
「好多嘢係中央話事」
何鍾泰說，廠方曾向委員會解釋上述事故，委員一直看重核電廠的維修工作，他也經常親自入廠視察，「我哋好緊張，成日問維修程序做得好唔好。我唔鼓勵樣樣維修都講，冇乜意義。」
大亞灣核電廠去年爆出連串洩漏事件後，現時0至2級事故也須通報港府。何鍾泰指此安排是委員會「成功爭取」的成果，「已經好難得，全世界都冇。我哋費咗好多唇舌，希望佢哋提高透明度，但好多嘢唔係廠話事，而係中央」。
綠色和平項目主任古偉牧批評，委員會成員受廠方委託，名義上為監管機構，實質為「公關部門」，「委員會已冇實質意義，竟然認為香港人冇權監察關乎自己安危嘅設施，要等到出咗事先知」。他促請港府成立直式獨立監管機構，定期主動調查大亞灣核電廠的故障、跟進及維修問題，免港人活在恐懼中。