早前張家輝嘅fans喺家輝嘅微博嗌交，兼且出言恐嚇，鬧鬧吓連家輝都被人身攻擊。張家輝噚日代表苗圃行動去到尖沙嘴出席一個頒獎禮，家輝話自己一向極力栽培貧窮嘅小朋友有讀書，如果今次喺網上搗亂嘅人係佢一向栽培嘅小朋友，真係令佢好傷心，家輝又話已經有途徑追查到作出恐嚇嘅網友，相信佢哋只係年少輕狂，佢話暫時保留法律追究嘅權利，但始終想畀個機會年輕人改過。