呢頭榮登完《福布斯》富豪榜做中國首富威威之後，有內地至靚仔CEO之稱嘅百度創辦人李彥宏（圖），嗰頭即刻非常頭痕！
內地50個名作家前幾日聯名發表《三一五中國作家討百度書》，聲討「百度文厙」提供文檔作品免費下載，話咁樣除咗對中國原創文學造成傷害，「長久下去必將無書可讀」，而百度提供嘅免費音樂下載，係「直接導致了中國唱片業的整體萎縮」云云。呢班作家仲講明，無意怪責嗰啲自發將佢哋嘅作品上傳嘅網友，只係譴責百度嘅平台！呢宗「50作家維權事件」跟住會點？
好似話爭取清明前展開談判喎……真係有咩留番拜山先講！