美斯（圖）貴為世界足球先生，平時幫巴塞征戰多條戰線可謂非常忙碌，難得巴塞上周六踢完聯賽，而今個星期又撞正國際賽期，美斯亦偷得浮生半日閒，到米蘭出席時裝展，據講仲有時間喺名店林立嘅米蘭掃貨，對一向性格內向嘅美斯嚟講，真係非常少有。佢亦有同AC副會長加利安尼會面，但都係禮貌嚟啫，加盟就肯定冇可能囉！