「老公豬」陳振聰（圖）又有新搞作！佢嘅宏霸（802）噚日發盈警，話預期截至舊年12月31日止嘅全年業績，將會錄得虧損。
宏霸話，自從12月20日發佈業務消息之後，公司繼續錄得經營盈利嘅，不過，鑑於中國政府會喺未來5年將GDP平均每年增長率降低到7%，佢哋嘅董事認為，有需要審慎咁下調公司喺中國經營業務嘅銷售增長預測。另外，公司面對嚟自中國同業嘅激烈競爭，董事會相信會間接影響銷售前景，由於中國銷售預期下跌，問過會計師之後，佢哋除咗決定對合約權利嘅賬面值進一步減值，仲幫埋旗下A-1Development嘅投資撇賬……唔知龔醫生又點睇呢？