減廢係香港社會當前需要逼切解決嘅問題，政府過去咁多年遲遲唔起步，對比鄰近嘅台灣同韓國，可以話落後幾條街。環保組織地球之友，將早前去台灣考察當地減廢政策嘅見聞，製作咗本網上電子書《台灣有金執》，圖文並茂咁介紹幾個減廢景點，仲好似自助旅遊書咁，教埋有興趣去睇嘅人點搭車去實地參觀，非常有創意。
個書名講到有金執，並非誇張作大，講緊係台灣回收電路板呢啲電子垃圾，經過處理程序，真係可以抽番黃金同白銀呢啲貴金屬出嚟。景點方面，其中一個推介嘅係北投焚化廠，焚化爐煙囪上面有間旋轉餐廳，係全球首創。如果香港政府真係選址石鼓洲起焚化爐，間餐廳唔知有冇人幫襯？
有興趣睇呢本書嘅讀者可以去以下網址免費下載 http://www.foe.org.hk/ebook2011/