內地巨資製作電影《辛亥革命》噚日煞科，預計今年9月26日上映。套戲係歷史戰爭寫實片，戲裏面有幾場戰役，血肉模糊鏡頭盡現螢幕，就連身經百戰嘅成龍都話：「喺遼寧一個露天煤礦場拍戲時，整個場地一片混亂，淨係見到接二連三爆炸，身邊演員不斷跌低，想像以前槍林彈雨嘅實況，令腎上腺素嘅分泌激增。」