曼城前鋒巴洛迪利（圖）上周四仲喺歐霸盃無端領紅被逐，累球隊喺16強俾基輔戴拿模踢出局。英國有小報話，領隊文仙尼賽後喺更衣室拎起個行李箱車埋巴洛迪利度，好彩當時有職員將佢哋分開。猶記得當年碧咸俾費Sir飛砵爆眼角，轉頭即刻過檔皇馬，唔知巴洛迪利又點呢？但有傳曼城出1,000萬鎊年薪，利誘皇馬教練摩連奴今夏過檔，到底巴洛迪利定文仙尼走先呢？