無綫小生陳豪昨日在馬場出席打吡大賽，他也有關注林峯與浙江小舒淇潘霜霜的床照事件，更開玩笑表示相片「影得幾靚」。陳豪表明自己都是普通人，拍親密照好正常，問他會否驚與前女友廖碧兒的親密照外洩，他表示不想再提，自言沒儲存舊照。
無綫一眾小生花旦陳豪、黃宗澤和佘詩曼等，昨日現身沙田馬場，出席香港打吡大賽，當中陳百祥及羅傑承夫婦均有馬匹出賽，羅傑承名下的「軍事攻略」只跑第二。
問陳豪有否留意林峯與潘霜霜的床照事件，他說：「有聽聞，呢啲係私人事，兩個人嘅事，唔知係乜嘢原因，兩個人之間嘅關係好平常，唔會因為驚而唔做，兩個人關係同開心先係最重要。」
「影親密照好正常」
問陳豪是否接受與戀人拍床照？他笑笑口說：「除晒衫就唔會，親密相、咀都OK，佢哋啲相都影得幾靚，佢都答得OK，好欣賞佢嘅態度。」問陳豪之前有否與舊愛拍過親密照？他默認：「自己係普通人，影親密照好正常。」問他會否驚前女友廖碧兒失手機？陳豪即大笑說：「之前嘅嘢唔好提，人哋我就唔知，我嗰啲就冇keep，只會留番回憶喺腦入面。」而曾與林峯傳緋聞的佘詩曼則表示不接受訪問。
陳父：Kelly睇緊中醫
另外，一向熱愛賽馬的陳慧琳（Kelly）父親陳崇偉也有現身馬場，問到Kelly小產後的近況，他表示：「幾好，睇緊中醫調理。」問到Kelly是否已怕人工受孕，他說：「遲啲先諗，佢心情平復咗。」
本地時裝設計師何志恩與日籍夫婿打本雄輝與家人也有到場，她透露夫婿祖家在北海道，故此災情未有直接受牽連，她曾在日本發展時裝生意，故結識了不少朋友，她透露友人的外公在仙台失散了，尚未聯絡得上。
採訪：JessicaNgan
攝影：DickyChan
