上禮拜四港股靠近22000後轉穩，反彈幅度雖然唔大，但負面情緒已略好轉，上禮拜五花旗股市連續第2日上升，本來應該有利今日港股，不過人行調高存款準備金率，又可能削弱股民入市信心。
存款準備金率上調0.5%影響唔會好大，但係日本地震、海嘯同核危機令投資者傾向預期人行會放慢收緊銀根嘅行動，所以今次上調存備率嘅心理影響較大。另一方面睇，日本嘅核危機係市場焦點，呢兩日嘅情況好似受控制，如果日股大幅反彈，港股有機會跟隨。
澳博C輪25383：澳博控股（880）上日報收12.80元，升5.4%。不利消息消除之後，澳博股價反覆向好，家喺50日線水平，短線有機會上破13元向15元推進，可以諗吓隻C輪25383。
隻輪現價36仙，2011年9月16日到期，行使價9.80元，溢價4.7%，引伸波幅56.1%，槓桿率3.6倍（有效2.9倍），正股升上15元，25383睇54.9仙，升逾5成，正股跌穿11.80元就沽咗隻輪。
俊樺