鍾舒漫和鄭融昨日到青衣，出席第三屆全港運動會．十八區啦啦隊大賽，同場還有霍啟剛擔任評判，不過卻有保安貼身保護，以防傳媒埋身訪問。
出言力撐舊愛
鍾舒漫多年前和張致恒（Steven）拍拖，近日爆出和林峯床照的內地索女潘霜霜，私下跟Steven相當稔熟，鍾舒漫聞言表示：「佢同好多人都好熟，講到佢好似媾女王，其實佢唔係咁嘅人。佢同親女仔朋友一齊就好多傳聞，唔通要佢同男仔先得咩？」雖然盛傳鍾舒漫和Steven已分手，不過鍾舒漫仍力撐他，直言他比以前好了許多。
同場的鄭融表示自己很喜歡日本食物如壽司及魚生等，但近日指日本食物因地震受輻射污染，她坦言會小心，又考慮捐錢給日本災民。
採訪、攝影：魯萍