【本報訊】日本311地震後第10日，最少有16名港人生死未卜，包括嫁到日本岩手縣的港人梁嘉敏。媽媽梁太表示，地震發生當日女兒曾發兩個短訊報平安，其後音訊全無。她先後四次致電入境處要求協助，但職員反應被動，令她感到非常失望。
梁嘉敏多年前隨日籍丈夫到岩手縣定居，與家翁和家姑同住，其後誕下一女。她上次回香港娘家已是2008年，之後梁太間中亦有與女兒和孫女通電話。
岩手縣是日本地震重災區之一，梁太心急如焚，後來家人收到嘉敏兩個短訊報平安，她才放下心頭大石，沒料到此後再無法聯絡上女兒，於是致電入境處熱線1868登記。
「地震後第二日我打去講低晒嘉敏資料，等咗一日冇消息，我再打上去問，點知又要我登記過。」梁太質疑入境處沒有好好保管港人資料，但尋親要緊，只得多報一次資料，她慨嘆：「入境處之後試過打嚟問我有冇聯絡到個女，我聯絡到就唔使你幫啦。」
親人致電烽煙求助高官
保安局副局長黎棟國昨晨接受電台訪問，梁太知道後馬上打上電台，要求政府積極協助尋親。黎棟國回應稱，入境處已收到梁太的求助個案，會加緊尋找她的女兒。晚上梁太向本報表示：「入境處職員打嚟問我，好唔好畀啲資料中國駐日本領事館，同埋日本警方，呢啲嘢我以為佢哋一早做咗，原來佢哋乜都冇做過，我都唔知講乜好。」三年未見過女兒和外孫女，梁太現時只能祈求家人一切安好。
保安局再次呼籲在日港人盡快乘坐加班飛機回港，港人如需協助可致電入境處熱線1868，或中國駐日本大使館熱線81-3-34033064。