講愛情，陸永未開口，C君已爭住爆料：「都話盧覓雪咯。」鬼叫陸永被雪姐咀過咩！其實他已有拍拖半年的圈外女友。
06年陸永和唐寧傳緋聞，女方否認，陸永重提卻淡然：「係拍過拖，唔夠一年。」他大概拍過十次拖，「有啲拍一個禮拜、一個月，有啲手都冇拖過，因為少出街，但喺電話講咗喺一齊吖嘛，咁咪係囉。」陸永自稱愛情第一，偏偏以往拍拖的日子都很短，「之前都幾迷失，因為太尊重呢件事，好易同人分手。」
C君婚後造人
C君跟拍拖六年的圈外女友Gloria經歷離離合合，終敲定明年暑假在港結婚，之後開始造人，他說：「同西瓜（林珊珊女兒）係有一齊過，嗰時同Gloria分開咗一年，之後同西瓜一齊幾個月就分開，再同Gloria一齊，跟住就有呢個決定（結婚），覺得肯定係你。」