【本報訊】受到核輻射影響，本港日式食肆近日生意大減，餐飲聯業協會表示，本港數百間日式食肆受事件影響，生意跌近一半，擔心掀起倒閉潮，而吉之島經營者永旺表示，隨時降低日本貨比例，改入東南亞貨代替。
日式食肆或掀倒閉潮
日式食肆滔庭烏冬副行政總廚鄭永春表示，福島傳出核輻射洩漏當天，餐廳午飯時段門庭冷落，晚巿急跌一、兩成，「早幾日，有個阿太帶個仔嚟食嘢，小朋友想飲波子汽水，阿媽話唔好飲，有輻射喎。我咪同佢講，啲波子汽水運咗嚟香港好耐，啲食客真係好驚」。他說，集團暫無叫停輸港日本食材，但會減少一半入口量。
經營吉之島的永旺董事總經理林文鈿表示，隨時降低日本貨品比例，「如果日本貨唔再受歡迎，好似烏冬、即食麪等會向東南亞入貨，日本牛肉轉買新西蘭貨等」。林說，地震後首隻貨船一旦抵港會要求衞生署檢測，確保貨品沒受污染。
餐飲聯業協會會長黃家和表示，本港目前約有數百間日式食肆，受核危機影響生意大跌，有個別食肆更跌一半。擔心掀起日式食肆倒閉潮。