「細個出國旅行，見到一啲香港冇嘅棋都會即刻買返嚟。」自小喜歡棋藝的林婉嫻（Joyce），與丈夫李兆康（Gordon）放棄當教師的穩定收入，與朋友合資開設BoardGameCafé。雖是一盤冷門生意，但開業4年便開分店，除了賺到金錢，還「賺」到一群志同道合的朋友。
記者：陳皓怡 攝影：梁鑑章
一直從事教育工作，Joyce及Gordon希望透過開辦補習社推廣BoardGame（棋盤遊戲），「棋可以係一個好好嘅教材。」為節省佣金，兩人選定在地鐵附近開業後，親身跑勻各商廈找招租單位，不靠地產代理，「沿住條彌敦道不停咁搵舖，由尖沙嘴去到太子，一係就唔啱，一係租太貴，幾乎想放棄。」
結果找到太子店現址，「上到去覺得呢度唔係用嚟上堂嘅地方，係一路飲住嘢一路玩棋嘅地方。」加上「香港人放假冇乜嘢做，大家食飯面對面未必有嘢講，可以拎嚟聯誼。」他們改變原有計劃，由開補習社轉為開設主題咖啡店。
員工平買貴賣食差價
經營食肆工作時間長而且辛勞，「每日要做好長時間，冇一刻可以停落嚟，試過7點幾起身，返到café應付唔同嘅嘢。我哋舖頭收11點幾，埋得數嚟都12點，洗埋嘢兩三點先返屋企。」體力勞動還是其次，沒有創業經驗的Joyce及Gordon，曾碰了不少釘，「當初請人得個信字，唔識保護自己，試過有個客話想做parttime，拎員工優惠，用好平嘅價錢買棋，轉個頭喺網上面賣，做埋競爭對手。」經一事、長一智。
5年前於太子開設的首間店，由於獨市經營，加上網站及口碑，生意漸上軌道，現時累計已有逾1萬個會員，主要是20至30歲上班族，「有唔少客人嚟自社福界、教育界、教會都有，佢哋邀請我哋教棋，去中小學搞興趣班，透過BoardGame教英文。」原本開補習社的計劃，想不到拐彎做到。
旺季生意額達22萬
開業四年，即去年籌備開分店，「有唔少住港島嘅客人投訴，要山長水遠過九龍好麻煩。開分店可以更有效運用資源，我哋café入面有好多得意嘅告示，都係設計師幫我哋諗嘅，開多間舖可以攤分設計同攞貨成本。兩間舖客多咗，成本低咗。」主題餐廳亦有分淡旺季，一般10月至11月是淡季，7、8月和12月是旺季，淡季平均生意額13萬元，旺季可達22萬。
對他們來說，這塊樂土除了為他們帶來生意，亦結交不少志同道合的朋友，「有啲客成為我哋朋友之後，主動話不如喺度做兼職，佢哋鍾意呢個地方，鍾意玩棋，又可以教棋，同其他人分享。」現時他們有7位全職，近20位兼職員工。
連老字號都要求變！
食肆客人流轉越快，生意額越高，偏偏玩棋卻頗花時間，想不蝕本還要有盈利，「我哋一早諗好要按時收費，頭兩個鐘收55蚊，包一杯飲品，然後每半個鐘收費。」
「只做BoardGameCafé會死，只做BoardGame零售都會死，要多元化。」面對競爭者不斷及擔心港人口味轉變極快，故多元化發展。
現時café佔整體營業額六成，零售佔三成、棋藝班佔一成，「租已經畀咗，所以要有收入，呢度你應付唔到就會趕客，café放喺優先位置。」
冀開拓出版業務
此外，要知己知彼，「我哋知道成本幾多，我哋有專人教棋，會推出唔同嘅新棋，所以定價唔可以太低。佢哋（競爭者）收費平，呢個價唔可以照顧到質素。」他們希望以「質」取勝，開拓新生意，增加生意額。長遠則希望擴展出版，將棋盤遊戲銷往內地、台灣，以至各大連鎖點。「連老字號白花油都要求變，整隻福仔出嚟，何況係我哋。」