由香港戲劇協會同港台合辦嘅「第二十屆香港舞台劇獎頒獎禮」，噚日喺港台公佈網上投票賽果，鍾景輝負責頒獎。最入心男、女演員獎由梁祖堯同彭秀慧奪得，佢哋親身上台拎獎，仲好開心咁互相為對方歡呼兼戥對方開心，梁祖堯領獎時，司儀讚佢可以接鍾景輝棒，做到戲劇大師，俾人咁讚應該開心過攞獎。至於演戲家族憑住《一屋寶貝》得最入心劇目。