【旺友】間中都會喺網上玩吓買賣，拍賣網站有得買嘅種類真係多不勝數，但最近連鹽都放係拍賣網站都賣，真係有啲過份。喺呢個非常時期，一個傳言已經令到中、港、澳恐慌，齊齊搶鹽，如果鹽係有防輻射作用，都還講得過去，只不過根本冇根冇據，中國人就盲目去搶，仲擺上網炒賣，可謂睇到中國人嘅劣根性。唔單止去搶鹽嘅人，造謠者同埋乘機發災難財嘅人先係元兇。
同日，睇新聞見到有日本人甘願做義工，去災區照顧獨居老人；亦有麪舖老闆，要住避難所，但都依時候返去自己間麪舖，為居民煮麪，仲要唔收錢，如果喺中國，唔加你價算係好運。推介方面，取護級嘅狼隊喺維拉公園搶分成功。
文：戰鬥員A
星期六12
阿士東維拉vs狼隊
心水：狼隊勝[+1]
心得：維拉軍心並不穩定