呢個星期，異常心噏，皆因日本東北地震，好耐都冇試過咁心噏。我承認我對日本好有愛，由細到大，去過N次，對呢個國家，好有感情，一事一物，買嘅着嘅食嘅，只要MadeinJapan，就覺得寧舍不同。喺呢刻，睇住自己去過嘅地方，災民流離失所，死傷人數日日上升，仲有啲報道，唔知係咪嚇鬼，話核輻射會搞到日本滅亡，我一介寫波佬，唔識呢啲專門嘢，不過我希望係吹大咗。
日日都有留意最新災情，見到福島嗰50個最後武士，咩都唔講，只求盡力防止輻射外洩，真英雄、大和魂是也！我好希望佢哋最後冇事，日本，不能倒！
今個星期貼韋根，係咁。
文：守丹
星期六17
韋根vs伯明翰
心水：韋根勝
心得：阿伯冇人用