關於國際電影節嘅拙文一出，有位老友整封電郵問我有乜好介紹，我第一個諗法係想轉介舊同事阿呢斯奧畀佢（我估呢爺又會買承惠2,500蚊嘅影癡通行證）。
不過人家有心，我唔敢敷衍，推介佢睇幾套「粵語殘片」。記得細個睇唔少由張瑛、吳楚帆、白燕等人做嘅重播「殘片」，好多都係中聯電影嘅招牌作。尤其要睇吳回（《九品芝麻官》做包龍星老竇，劇中臨終前留塊乾酥餅嗰位），佢係粵語片嘅大導，佳作無數。當年藝人多有學問又有抱負，吳楚帆叼住支煙嘅動作，形過好多當世巨星。電影資料館十周年整個中聯電影系列，咪走雞！年輕人講AKB48，我講白燕，擺明反高潮，但人總愛念舊，今撐諾域治。
文：藍鑽石
星期六22
侯城vs諾域治
心水：諾域治（下）
心得：話晒英冠排第2，受讓要撐