【本報訊】3.6反預算案遊行，他們來到社運臨界點，在中環堵塞馬路，圖令當權者正視訴求，換來警察鐵腕清場。113名被捕者，有初中生、小店老闆、音樂人、大學導師，當晚的警署內，有人向警察曉以大義，得到對方認同。他們相信經此一役，將有更多大規模非暴力抗爭。立法會保安事務委員會今日討論清場警臨陣跌槍、胡椒噴霧誤傷小童等問題。
記者：雷子樂
憑着一曲《DonaldTsangPleaseDie》走紅網絡，獨立樂隊MyLittleAirport成員阿P當日離開政府總部後，折返皇后大道中。「當時有足夠人數阻塞中環交通，我覺得可透過呢個方法迫使政府面對。」阿P說，封馬路是非暴力抗爭，「次次遊行完第二日唔再理，更加改變唔到社會」。
「我哋好和平」
結果高官沒跟示威者對話，警察火速清場。阿P說：「辛亥革命都唔係一次成功，今次開咗個頭先，下次可能多一倍人加入。」只要人數夠多，「警察就乜嘢都做唔到」。這是67暴動以來，最多本土示威者被捕的一次，但阿P認為兩者截然不同，「67真係暴力，我哋好和平，本質上唔可以比較」。
當晚被帶返警署後，有警察告訴示威者「我哋淨係想捉黑社會，香港未來係要靠你哋」；「睇到警察都對政府有不滿」。阿P當晚在警車內拍了片，「如果警察告我哋，我會用條片作番首歌」。