【霉友】西九文化區搞幾年都冇嘢睇，舊機場亦都議而不決，特區政府家只係一班冇靈魂嘅人士等收工，最衰就係好做又唔做，唔好做個啲又爭住做，學人搞保育、活化古蹟，個嗰舊水警總部咪又係變咗高消費商場同酒店，家又話重建中區政府總部，要起甲級商業大廈。好靚嘅虎豹別墅，睇嚟又係畀發展商收埋改建豪宅，其實家香港欠缺嘅係舊建築、定係大型寫字樓商場豪宅，希望曾生好好反省，唔好一心幫大財主出力搵錢。
阿仙奴唔係搞保育，不過都無端端搵番列文出嚟守龍，認真奇特。
4冠王跌淨一個聯賽，休息足一個星期作客西布朗，阿仙奴今次都大炒唔到，真係唔好再講爭聯賽冠軍嘞！
文：牽牛
星期六16
西布朗vs阿仙奴
心水：阿仙奴勝[-1]
心得：阿仙奴係時候發威