日本是世界第三大經濟體，掉進無盡苦難深淵，但爛船都有三斤釘，只要看見地震重災區宮城縣東北部一條高速公路火速重建，大抵反映日本一旦站穩陣腳，應能火速重建。
311大地震之後，網上流傳各災區照片，其中一張是本來筆直的常磐汽車道（高速公路），竟沿路標線裂開，出現梯級狀的大斷層，落差約45.7厘米，往來交通被迫中斷。
但是4天之後，這條斷開的高速公路竟已高速復修好。
網民：執相都冇咁快
當地高速公路公司確認情況後，立即展開清理及重鋪路面工程，同時在路旁開闢緊急通道，供救援車及工程車行駛。至災後第5天的前日上午，常磐自動車道已重新開放通車。
對於日本強勁的土木工程技術，網民驚嘆之餘，更激讚是鬼斧神工，有人認為是「執相都冇咁快」，又有人指「感覺似玩緊《模擬城市》（SimCity）」。
日本《每日新聞》