俾「番薯梁」買咗、由唐登打理嘅新鴻基金融，最近推出新旗艦品牌『新鴻基尊尚資本管理』（SHK Private）。淨係聽個名，都知係做大客生意（每個客最少要有300萬資產）啦！新金嗰邊話，佢哋嘅目標係今年搵到2000個客，為咗突圍，會用獨特嘅strategy，搞下非凡嘅lifestyle禮遇活動，例如星級名廚饗宴、最新型號豪華跑車試車會之類。不過，實際嘅產品同服務strategy係咩，佢哋就唔肯講。華華就八到，其中一種產品，係陸東（圖）揀嘅portfolio，簡單啲講，你信陸東嘅咪買囉！係咪好夠噱頭呢？