24歲影壇新貴李治廷近日傳出搭上同公司的JaniceMan（JM），據悉兩人因多次合作而撻着。日前JM和李治廷出席公開活動時，有人目擊他們在後台打情罵俏，男方為JM細心撥髮，合照又公然攬腰，其後JM更暗示與拍拖7年的富家子男友甩拖，新戀情似見端倪。
去年憑《歲月神偷》勇奪金像獎最佳新演員的黎明力捧新仔李治廷，近日傳與同屬Amusic的模art、22歲的文詠珊撻着。兩人曾先後合作電影《為你鍾情》及Bossini廣告，由於年紀相近又啱傾，自然越行越埋。
巧合同處歐洲
上周四JM和李治廷在中環出席活動時，關係更見浮面。當日有人目擊二人在後台眉來眼去，不時甜蜜耳語，李治廷見JM頭髮亂了，即情不自禁為她撥髮，接着兩人更在台上親密攬腰，與熱戀情侶無異。
當時JM接受訪問突然自稱對感情迷茫，早前她去歐洲旅行，同行是朋友不是男友，暗示與富家男友峰峰7年情玩完。不過湊巧的是，李治廷其時也身處歐洲，因他應時裝品牌ErmenegildoZegna之邀在米蘭影硬照，但JM就謂兩人未有在當地碰頭。
據悉JM與峰峰青梅竹馬，男友一直對她十分照顧，年前更打本給JM在旺角開設時裝店Delux，但隨着女方工作量漸多，與李治廷見面機會又多，有米兼高大靚仔的筍盤李治廷也極為吸引，難免令JM心動。
Amusic高層王凱文昨則否認李治廷和JM拍拖，他在電話中說：「我冇聽過，呢個屬於佢哋嘅私人嘢，冇去問，我了解吓啦，但我覺得佢兩個拍拖機會不大。」提到JM與男友分手令人更多聯想，王凱文只說：「都要了解吓。」
公司不理私事
李治廷本月初被拍得與女伴逛九龍城，當時王凱文謂要作了解，昨他回應說：「都過咗去，呢個應該係佢朋友。」最後他補充：「我哋不嬲唔過問藝人嘅私人生活，除非影響工作、有負面嘢先會了解。」
採訪：夏琴