報稱擁有32F咪咪的黃婉曼，凡出席活動總收埋深長事業線，不過日前接受本報專訪時，難得胸前大解放換上DeepV新裝，不但造型養眼，還揭發她胸懷大「痣」。
拍照期間，黃婉曼不時低頭整理低胸裙，怕走位洩春光，她事後解釋不習慣，並笑說：「大家好少見到我胸前粒痣，佢係我嘅底線，每次揀衫，性感程度一定唔超過粒痣，我好少着得咁性感，影硬照仲勉強接受，如果要出席活動，我抗拒袒胸露臂，我覺得好冇安全感，唔係一件好事。」
出書講記者樂事
敲響暴乳警號的黃婉曼，絕對有本錢推出噴血寫真集，她卻無意搶o靚模飯碗，她說：「我根本唔係靚女，冇嘢好show，平日係靠化妝易容，先變靚少少。」黃婉曼堅持封胸，寧以文會友，她表示日內會推出處女作，新書會跟讀者分享當記者的趣事。