琴姐練功證冇柏金遜

琴姐練功證冇柏金遜

79歲的李香琴本月初傳出患了初期柏金遜症,有手震情況,琴姐近日由澳洲工作完返港,即相約記者澄清自己身體狀況良好,還在茶樓展示筷子功,以證沒患上柏金遜症。
琴姐昨日到何文田飲茶,她中氣十足說:「我家健康100分,完全冇柏金遜症,可能之前講過聲哥(林家聲)患上柏金遜症,我講笑話自己有時手震,我真係冇事,我定期會做身體檢查,淨係癌指數高啲,西醫叫我唔好食中藥。」

否認與謝雪心不和

對於有指琴姐向高層投訴心姐令她被雪藏,琴姐說:「我點會投訴高層,真係『唔啦肺』,我撈到今時今日,唔求名利,拍戲為求興趣啫。」琴姐否認與心姐存心病,她說:「都唔知信唔信,點解只係向我埋手,啲人安慰我話唔拉埋我個名落去冇人登。」
琴姐又有留意林峯與潘霜霜床照流出,她說:「啲相梗係嗰個女人放出嚟,呢啲行為損人不利己。」
採訪、攝影:比華利