日本大地震，破壞力驚人，喺呢次天災令我感受最深係日本人嘅民族性。喺災區，唔單止冇人趁火打劫、搶掠或商店坐地起價，連痛失親人嘅災民呼天搶地嘅場面都冇，好似其中一位睇住個女被海嘯捲走嘅女災民，面對鏡頭竟然可以好含蓄咁講述經過，真係匪夷所思。不過，正如戰友蘋果波神話齋，就係呢啲咁內斂兼為大局着想嘅民族性，令大和民族遇上一次又一次天災，都可以好快復興；但佢亦不忘咁加句，亦可能因為日本人咁隱藏情感，所以自殺率咁高。
凡事有兩面睇，愛華頓近況麻麻，一條中場線又傷兵滿營，但反過嚟睇，亦可能因為咁，激起拖肥糖球員嘅小宇宙，喺周六對住作客特差嘅富咸時一舉勝出！
文：吾中
星期六47
愛華頓vs富咸
心水：愛華頓勝
心得：愛華頓係時候發揮小宇宙