黃宗澤自早前與胡杏兒被發現拍拖逛街後，前晚他不再避談戀情，公開承認杏兒的女友身份。被問到是否杏兒與無綫有約，他便留下，黃宗澤說：「係o架，我自己仲有好長約。」
黃宗澤（Bosco）和胡杏兒的情侶關係早已是公開的秘密，但二人一向對戀情保持低調，絕不承認，但早前他們被拍得在銅鑼灣名店坊拍拖逛街買衫後，前晚Bosco重遊舊地，與陳偉霆和楊洛婷等在名店坊看時裝騷，他已不介意直認杏兒的女友身份。
Bosco首先談到重遊舊地，他說：「係呀，呢度係shopping熱點，我哋一齊出嚟買嘢都好正常啫。」對戀情沒以往避忌？他說：「係冇咁避忌啦。」有傳東亞娛樂欲簽Bosco的經理人合約，他說：「唔係，冇搵我，我同TVB仲有好多年合約。」
笑言抽佣抽得舒服
有傳無綫鬧小生花旦離巢潮，Bosco說：「我知，我仲有好長約，公司都安排咗好多工作，嚟緊要去內地拍劇，有好多機會。」至於無綫被指抽佣比例高，Bosco為表忠心耿耿，不怕肉麻說：「我抽得好舒服，好合理，好開心。」問到是否女友杏兒與無綫有約，他也會留下？Bosco坦白：「係o架，我自己仲有好長約咯。」女友不走就不走？Bosco說：「唔係，不過我哋事業上各有各話事，唔會干涉大家嘅。」
同場的陳偉霆也肉麻晒恩愛，直言在剛過去的白色情人節與女友蔡卓妍（阿Sa）互通電話道賀，他說：「其實我概念得二月十四，落重啲本，所以白色情人節冇慶祝，喺電話講情人節快樂囉。」
陳偉霆攞正牌女
陳偉霆又透露稍後要找一個身材好的女仔，為他拍新歌MV和一起跳舞，被指攞正牌看女仔，陳偉霆說：「做嘢啫，我會問阿Sa意見。」
採訪：楊潔雯
攝影：葉君海