歐陽靖（MCJin）昨日到浸會大學出席活動，新婚的他表示現時心情仍十分開心，他說：「我係2月12號喺美國嘅一個島結婚，之後返紐約擺酒，由於我哋兩個都係ABC，所以都有接新娘、玩新郎同開門利是呢啲儀式，仲有玩獎門人嘅遊戲。」
哭了幾遍
MCJin透露與太太認識的經過，他說：「我同太太識咗7年，當時個島有個音樂會，島上得三個唐人，佢負責登記、我去表演，所以對佢有印象。一年後喺紐約見番，就好自然一齊，其實我今次結婚都plan咗好耐。」他透露在婚禮上哭了幾次，又表示想生BB，不過一切等上天安排，記者叫他勤力些，他笑說：「唔係你哋諗嗰啲，我係要勤力搵錢。」
採訪：楊潔雯
攝影：黃文偉