【本報訊】再有港人順利逃出福島。早前曾向入境處求助的蔡小姐，昨日登上中國駐日本大使館派出的旅遊巴前往新潟，暫未知何時抵港。另一港人利先生早前到仙台公幹，其間遇上地震，借宿同事居所，並在對方協助下經山形往大阪，幾經轉折昨晨返抵香港，「其實當地人對核電廠嘅問題都好擔心，不過無路可走咁解」。
震後近乎斷水
蔡小姐在福島生活八年，地震後家中近乎斷水，經在港的姐姐通知，才知身在出事核電廠40公里範圍內，極為徬徨。昨得知中國大使館派出旅遊巴撤僑，即外出等候，其姐說，「佢話打極電話去（大使館）都打唔通，我問佢離個巴士站有幾遠，佢話十幾分鐘，我叫佢唔好打電話啦，即刻執埋啲隨身行李行出去等啦」。她在車站遇上50多名中國人，最後成功登上前往新潟的旅遊巴。
蔡小姐的姐姐說，曾多次致電香港入境處，「佢哋喺東京，叫我個妹過去，問題係點去呢？個職員仲叫我哋check清楚有冇機位喎，如果冇就唔好走，留喺福島，咁輻射影響到點算？」
在仙台公幹的利先生則指，即使是仙台居民也想離開。地震時他身在辦公室，「最初以為係好平常地震，之後越搖越勁，有同事有嗌『打開度門』，我大叫『走喇』，跟住衝咗出街，去到空地度企都企唔到，只可以踎喺度，睇住幢大廈係咁搖」。
曾在當地工作四年的他震後暫居同事家中，近日已斷水，「之後去山形都係同事車我去，因為當地汽油短缺，咁啱我同事之前一日入滿油先夠車我去，我見好多外國人都喺巴士站度等巴士」。
抵達山形後，利先生等待往大阪的候補機位，但不成功，最後登上加開的旅遊巴，經歷11小時後抵達大阪機場，「其實當地人對核電廠嘅問題都好擔心，不過無路可走咁解」。