海南島係做緊手術，係整容手術！明明以前都不是這個樣子，重臨舊地居然陌生，到處插滿旗，是來自世界各地品牌的豪華酒店。就連大S徐熙媛同內地富二代汪小菲，都要來海南島舉行婚禮，可以預期，海南島好快變成富豪後花園。
婚禮場地絕密公開
今個月22日，大S和小菲將會在海南島三亞舉行婚禮。三亞的哪兒？之前傳聞太多天花亂墜，甚至說是那間還未起好，仍然一片工地的St.Regis。經過實地打探後，終於知道Hilton旗下的DoubleTreeResort於大S婚禮期間被人包起，謝絕外界book房，仲搵你唔到?!
全三亞最大宴會場
揀得DoubleTreeResort當然有原因，首先酒店位處三亞東部海棠灣，遠離三亞市，環境寧靜。第二，酒店有全三亞最大的Ballroom，足以筵開80席，應付近千人都無問題。其次酒店夠新，剛於兩個月前落成，設施、佈置仍然簇新。最正是Ballroom出面，就有一片綠油油草地，大可在下午先來cocktail，夜晚才入席狂歡。DoubleTree的客房靚是靚，不過不夠豪囉，話晒小菲都是十億富豪喎！所以DoubleTree只是婚禮舉行場地，客房留給親朋戚友。大S小菲住在哪？就在隔籬酒店囉！
c.DoubleTreebyHilton,Sanya
地址：三亞市海棠灣海棠路
房價：每晚$1,475起
網址： http://doubletree.com.cn
私房Villa擁特大池
同集團的ConradSanya，就在DoubleTree隔籬，格局完全兩回事。酒店大部份是獨立poolvilla，綠樹環繞私隱度夠。別墅最大達4,000幾平方呎，搞場私房party甚至poolparty都未嘗不可。只因poolvilla泳池大到十幾人一齊落水都唔會覺逼。你話大S小菲兩口子怎會不選擇在這兒度春宵呢？
d.ConradSanya
地址：三亞市海棠灣海棠路
房價：每晚$3,325起
網址： http://www.conrad.com.cn/sanya
海浪式按摩鬆一鬆
近年各大酒店品牌爭相在三亞插旗，又靚又新淨的酒店有很多，經常去泰國的朋友應該對Pullman呢個品牌不陌生，酒店座落三亞灣，2010年底開業。第一晚到埗時，看酒店門面，加上園林與木造結構，簡直好像去了東南亞resort，度假feel爆燈！住埋豪華套房，超大露台加上半露天浴池，同poolvilla絕對有得比！酒店不只有門面，還有個至正ShanSpa，director正是香港人，服務標準不用置疑！不只有中式、泰式、香薰療程、瑞典式及LomiLomi（夏威夷海浪式按摩），更有印度靈療養生法Shirodhara，在額上滴油，透過聚焦、冥想達致放鬆全身，最啱都市人！
e.PullmanOceanviewSanyaBayResort&Spa
地址：三亞市三亞灣路158號
房價：$1,245起
ShanSpaShirodhara療法：約$1,774（45分鐘）
網址： http://www.pullmanhotels.com
坐新高鐵直奔三亞
高鐵早已在神州蔓延，連小小海南島都有份，海南東環高鐵去年12月底開通，由省會海口直奔三亞，途經美蘭（機場）、文昌、亞龍灣等大小車站。列車最高時速400幾公里，不過跟政府預算案數字一樣，是個虛數，路段最高限速只到250公里，因此等了又等，都只見車廂頭上顯示只徘徊在248、249km/hr。不過相比以前，由海口到三亞車程近4小時，如今都只需1個多小時，經已慳了不少時間。
高鐵班次：約每小時1班
票價：海口至三亞一等車廂約$135，二等$112；美蘭（機場）至三亞則分別為$118及$99