陳山聰自從被指力追超雲而狠撇糟糠PonnyYeung後，除咗俾人冠以新賤男嘅名外，佢嘅負面新聞亦接踵而嚟，好彩無綫都無話到要放棄佢，噚日佢就喺電視城為無綫新劇《回到三國》試造型，講到前妻喺微博上面寫「天…在看的」，佢就話：「佢寫乜我唔知，唔得閒去留意亦唔想回應。」佢仲話同前妻冇乜聯絡，問到佢係咪同超雲聯絡比較多，佢話：「兩個都冇乜聯絡，超雲都唔係成日o架，都係為呢件事，總之唔想影響任何人。」
提超雲避忌
講到有報料者話佢有一個私生子，陳山聰話前日已經澄清咗，佢仲咬牙切齒話一定唔係事實，至於超雲亦都喺微博上面力撐佢，佢就扮儍話：「我寫咗出嚟之後有好多朋友同fans支持，好多朋友都知唔係真事。」至於擔唔擔心俾人越爆越多，佢就好有信心咁話唔驚，佢話家只係希望收拾心情，仲話：「對於之前嘅負面新聞係有啲唔開心，但可以收拾心情，希望事情快啲過去！」佢就再次強調家唔係同超雲一齊，問到佢係咪怕俾三太鬧，佢就話唔關事喎！